في المسجد القريب منا والي أصلي فيه يوجد ثلاثة عمال يعملون فيه ويحرسونه اثنين منهم بالستين من العمر والثالث الي إنضم لهم مؤخرا في أواخر الثلاثينات من العمر
هالحلوين الثلاثة قاعد ينافسون السائلين الي يتواجدون يوميا بالمسجد والي كل واحد فيهم دافع خلو في زاويته
فتلقاهم يوقفون على باب المسجد في بداية وقت كل صلاة ونهايتها وبعض الشياب تعودوا على صرف ارباع وتوزيعها عليهم يوميا
وبما أنهم عمال المسجد وحراسه وهم يعملون في المسجد وليسوا فقراء فأنا مطنش يد الي يابهم بروح الي يوقفون على باب المسجد من سائل ومعتر ومنهم نساء أشكالهم ما تكسر الخاطر
المهم هؤلاء ال 2+1 مشتغلين علي يوميا ما إن أدخل المسجد إلا وقطوا علي حجي بلغتهم أشكره وكل يوم يحشون فيني جدامي لأني مطنشهم
والبارحة لما دخلت المسجد كان واقف فقط اصغرهم والي إنضم لهم مؤخر والمحلوة الي بالستينات من العمر ماكانوا موجودين عند الباب فالأخ المزيون الثالث لما شافني قعد يفرفر ويهه بالمسجد يدورهم يبي يقول لهم كاهو الي ما يندي وصل
قعدت أخزه خزه فيها مسبة فحس على دمه وما قام يطالعني
المهم هالمزايين الثلاث باطين جبدي من قلب ومفكر أكوفنهم على يوم فأبدأ بأصغرهم وأعطيه ركبة بمكان حساس بعدها أمسك الأثنين الي بالستينات واحد من بقايا شعره والثاني من قحفيته وأطق راسهم ببعض وإن طاحوا فنقر على مواطن عفة كل واحد فيهم
ترى من صجي قاعد أتكلم
بس الي رادني ردة فعل رواد المسجد وخصوصا الشياب
وييييه ذيك الساعة شيفكني منهم أتوقع راح يحاولون بمختار المنطقة أنه يمنعني من الصلاة بالمسجد أو حرماني على الأقل خمس صلوات كاملة او ربما يتجاوز الأمر إلى حرماني من الصلاة بمسجدنا موسم كامل مع منعي للصلاة ثلاثة أشهر في مساجد خارجية إبتداء من الموسم القادم
وما أستبعد يحطون صورتي على باب المسجد والمساجد المجاورة ويكتبون تحتها المعتدي الأثيم ضارب الشيبة شايت مواطن العفة
أو يمكن بعد يوزّون علي مصاكة المصلين ويخلونهم يجفتوني ويسدحوني ويصلون علي صلاة الميت إمعاناً في تخريعي
أو يجبروني على الصلاة بآخر الصفوف مع منع المصلين من الوقوف بجانبي ليحسسوني بأني منبوذ
والآن وقبل لا أصير ستيفن سيغال مسجدنا دوروا لي على حل مع هالمحلوة الثلاثة قبل لا أتهور
وخل إنشوف إقتراحاتكم لأني معزم وما بإذني ماي إني أكوفنهم إذا إستمروا بالقراض فيني أشكره كل ما دخلت المسجد
بوست محد يزايد علينا كتبته في المدونة الجديدة لنا كلمة الي دعيت إليها من الزميلة طموحة مملوحة
90 التعليقات:
أن يبطون جبدي اللي يحتكرون المواقف العمومية و لما توصل يعلمونك وين تسفط و غصب يبونك تعطيهم!
تفاعلت إيجابيا مع شكواك من الطراروة
!!!
الصدقة يفترض إنها تطلع من الشخص وهو حاب يطلعها وليس جبرا وإلزاما مثل ما قاعد يصير مع بعض العمالة والطراروة
!!!
شكوى بسيطة لوزارة الأوقاف ترا تسوي شغل
جرب وشوف
وحقيقة تفاجأت بحجم نفوذ شيابكم
لووووووووووول
والمختار من متى يطبق عقوبات على الناس ؟ هذا بأي منطقة ؟
:)
جمعة مباركة
:))
تبي الحل ؟
ما تسوي شي :)
للأسف هذا هو الحل الواقعي والمنطقي الي يحفظ صورتك كإنسان متدين امام اهل المسجد .. :)
دائما اتخذها قاعدة , اي مشكلة بالمسجد حاول ان تكون من يحلها لا ان تكون طرفا فيها ..
وكل يوم وانت داخل حوش المسجد وانزع قحفيتك العتيقة وارفع رأسك الى السماء , وادعي الله ان هالثلاثة يطيحون بإيد واحد مصرقع يكفيك مشقة تأديبهم :)
وياكثر المصرقعين بالمساجد .. :)
اشتك عند الاوقاف و راح تشوف النتيجة ان شاء الله و لا تهور و تكوفنهم ترا انت تورط
حل مشكلتك لا تصلي
الله يلوم اللي يلومك ... لاوالله ماتنلام عندك اياهم انا بعطيك الخطه .. الأولى محليه والثانيه عربيه والثالثه عالميه .. اوكي ...
1-الضرب عالطريقه المحليه بالعقال
2-الضرب عالطريقه المصريه بالدماغ
3-الضرب عالطريقه العالميه ( انزل عليهم سوفلكس مثل هولك هوجن بالمصارعه) .
وموفق إن شاءالله .
سبقني فهد العسكر
الحقران يقطع المصران
دام انهم ماخذين معاشات خل يحمدون ربهم
محد ملزوم يعطيهم
يا خوي سهله
بعد الصلاة طول شوي انطر ليما اخر شايب يطلع من المسجد
امسكهم ثلاثتهم وقولهم انا ببلغ
الاوقاف والشرطة !
وكفى الله المؤمنين شر القتال !
ندّي .. شق المخبة اللي متروسة من فلوس صفقة رونالدو السحت الحرام
كلها ربع دينارإعتبرها صدقة
قالها بوعلي و تابعه الأمازوني
إدفع لنا .. نحترمك
تبي نصيحتي تروح تشتكي صدقني لما انت وانا وغيري نسكت بالنهاية راح تشوف واحد منهم يقولكم تبي تدخل تصلي ادفع!!
عطني المسيد باي منطقه وانا اتولى المهمه بدالك بس خلك قريب راقب الوضع اخاف يقلبون علي الا انت موجود
والا امسكهم بغرفه المسيد والعن والديهم
اشتكي وبلغ عنهم
تعلموا إنهم يعيشون على الطرارة بعضهم يمكن صج محتاج لفلة الراتب بس فيهم ناس مملينين من الطرارة
وواحد مرة قالها كلمة جدامنا في الكويت الفلوس على قفا من يشيل مد يدك وحصل المقسوم
أو تعلم لك زفة ولا زفتين بلغتهم وهددهم ما يبيلها شي
أنا مضبطة عمري
كل لغة متعلمة منها زفة محترمة
مثلا
اسكت وبسك كلام والا أعلم عليك الأوقاف والشؤون
عصفورين بحجر هم تهديد وهم يخافون إنك تعرف باجي كلامهم
عاد دور لك واحد من ديرتهم يعلمك
:))
حرام مساكين ومخهم عل قدهم ..يمكن الكلمه الطيبه جزء لحل المشكله إذا هو بنغاليه قول لهم كوموناتشو..راح يعيدون ، بس بصراحه فهد العسكر ومطقوق ضحكوني
:)
الجماعة قاعد يختبرون ايمانك
هذا بلاء اصبر يا الاخو
:)
والله يا بو عبدالعزيز نصحية مجربة 100% والمثل يقول اسال مجرب روووح للامام الى انا اسمية كرت شحن كثر ما تحط فيه فلوووس يتكلم مؤذنين مساجدا الاوقاف والخطباء مو الكل انما البعض رووح قوله انت الى مسؤول عن المسيد ولازم يقفون عن سؤال الناس (( يطرون ))
وبنسبة للاوقاف فانا انصح انك ما تروح لهم لان اذا اشتكيت ما راح ياكلها غير الامام الى اهو المسؤول عن المسيد فانت اذا تبي تنتقم من الامام والمحلوة لوووول روح اشتك وعلى فكرة اغلب الاوقات الاوقاف ياخذون الشكوة ولا تطبيق ولا هم يحزنون :)
حبيب يا بو عزوز .
لحووووووول، هذيل ماكو فايدة فيهم
اقتراحات الإخوان المعلقين كفت ووفت وغطت كل شيء
لكن إذا وصلت الأمور إلى درجة متقدمة من السوء وأردت أن تكوفن الشيبة ومو قادر عليه .. بل انقلبت الأمور، وصاروا ثلاثتهم عليك
بس اكتبلي كومنت: الفزعة يا ولد .. وأبشر بعزك
اممم انا اقترح عليك تجيب وياك من بيتكم ملح وخيزرانه واثنيين من ربعك علشان يجودونهم وتفسخ فانيلة واحد منهم وتحط ملح على ظهره وبالخيزرانه وخل الاثنين ربعه يشوفونه يتألم (ترى قلبي مو قاسي)بس للضرورة احكام شنو راح تكون ردة فعلهم راح يتوبون....وياهو عندنا في الكويت يبيلهم جذية بساحة الصفاة
عندي حل..مفعوله سريع :)
حاول تتسلف منهم.. واشكي لهم فقرك
وقول لهم إنك محتاج فلوس
بعدها راح ينحاشون منك :)
يبـــــــــا
انت عزيز وغالي قولي وين فيه مسيدكم
وانا ايي واربيهم لك :)
بس قول
تدري ليش يطرون؟ لنه المصلين عودوهم..
نصيحتي لك كلم واحد تمون عليه من اكبارية المسيد وخل يتفاهم معاهم او يشوفلهم حل.. لأنه الشياب ان طقوا ماعليهم حرج :)
عشان أعطيك الحل
هل هذه صورة نفس المسجد اللي إنت تصلي فيه.؟؟؟؟
لوووووووووووووووووووووووووووول- يالنكتة!
إنت ما تيوز من سوالفك؟
هذا وإنت حاج لك جم حجة؟
:p
أنا أقول توكل على الله وكوفنهم ولا أقول لك... يقولون هد مرة على ريال وهد ياهل على مرة
سلط خدامتكم عليهم وبتبرد جبدك بإذن الله
;p
** شوف نادهم قولوهم انا باجر بييب لكم عيش و حليب مال التموين اهم يضربون على حليب التموين و اذا يولك بره عاد انت اسفط بعيد شوي و اول ما ايون تولاهم وين اللي يعورك قولهم انا مباحث و ان شفت واحد فيكم هني ياويله
** ياريت احد اي وياك يصور و تحط الفيديو البوست الياي
اشرايك بالخطة
لووول سالفتك ذكرتني بدوامي قبل جم يوم قاعده بالمكتب ولا وحده من البنغالية اللي تكرمون ينظفون الحمامات تتمشى بالممر وتطل بالمكاتب وتمر جدام مكتبي وتطوفه وبعدين تلزم بريك وترجع قري عند بابي وتدخل المكتب وتقولي سلام عليكم ماما أنا راح يسافر يوم خميس جاي وتضحك!!!! طبعا انا علامات استفهام؟؟ وتعجب!! لأن ولا مره شايفتها بإدارتنا بس من لبسها عرفت أنها تبع تنظيفكو!! ومتنحه وماكو ردة فعل وبقلبي اقول انزين انا شسوي@@ وتذكرت سالفة صديقتي تقولي في وحده بس تلف عالمكاتب وتجذب وتقول بتسافر ولي يومج ما سافرت!!! ووحده تقولي اي ذاك اليوم ياتني وقالت لي بتسافر وعطيتها عشره لأن ما عندي خرده! قلت اي محد مخربهم إلا انتوا ولاقيتكم تقص عليكم
الحل أن يا تحقرهم أو تشتكي عليهم :)
كثر من الخزات
ماطول خاف منها
شكلها متعوب عليها
:)
لوووول امووووت انا عالخززه..تخيلت شكلك وانت تنافخ وتخزز..
حبيب الشعب انت والله :*
لوول خوش خشوع وانت داش المسيد :)
وياريت اذا كتبت شي بالمدونة الثانية ، تحطلنا اللنك اهني عشان نقدر نتابعك. ولو انك تستاهل نجيك المدونات كلها عشان نوصلك
ويعطيه العافية
أحسن حل طلع عليهم اشاعة بأنهم مصابين بأنفلونزا الخنازير
سيدة التنبيب
هذيل يا دكتورة حلهم انج تدشين الموقف ع السنّة وبدون بريك وراح تشوفينه مثل حارس المرمى يقط نفسه
Nikon 8
يا دار عزيزة المختار يصلي بالصف الاول يوميا وهو مختار المنطقة ومختار المسجد بعد
اما الشياب فضعفهم مصدر قوتهم
والله يبارك لج في جمعكم وايامكم
مطعم باكه
يا سلاااااام والله عين العقل
بس لا تصدق العذال في سالفة القحفية يا الغالي
Waleed
بروح للأوقاف اقول لهم العمال يحشون فيني ؟ بيحذفوني من الدريشة
:)
Fahad Al Askr
انا افضل اني اكوفن اثنين بدال لا يكوفنوني اثنين غيرهم بالقبر
والله شكلها بنتكوفن بنتكوفن جذي ولا جذي
سوق الفرضه
والله انك مو هين
تدري اشلون انا باتدرج وياهم بداية من رقم واحد
ma6goog
اسبوعين بلندن وهذي نصيحتك لو تقعد شهر اشبتنصحني فيه ؟
C'est La Vie
والله سالفة الحقران هذي ابدا ما اعرف لها شوفي لي شي ثاني
مركبنا
النص الاول من النصيحة شغل عدل
بس بدال لا اقول لهم شي افضل اني اسوي لهم شي
حلم جميل بوطن أفضل
انا بعزم صاحبكم جيليت للمسجد وبشوفه يندي ولا لأ
كاريكاتير
المشكلة هذيل رسميا عمال وما يطرون بس يخزون
مَـــــعْــــمَــــعَـــــه
اوكي انا راضي ابجك بس اذا تدخلوا المصليين انا ماعرفكش
Yin مدام
بعضهم انا شايفهم اييون بفورد مع السايق
انا ما ادري شقاعد يقولون عندي ومنبطة جبدي اذا دريت تهقين سشبسوي ؟
Um il sa3af wil leef
والله كنت اسلم عليهم بالرايح والراد وماكو فايدة
وعلى قولتج بكبر مخي وياهم
Salah
والله يا بومهدي بصبر بس ما اضمن نفسي اذا عيل صبري
:)
هالحـــــزة
والله يا الغالي فشلة اروح للإمام واخاف يصف وياهم
:)
-mate
ذخر يا ميت
بس علما اكتب الفزعة يا ولد وعلما انت تقراها وعلما ادليك المسجد وعلما تيي
الا ما يبقى فيني الا دلاغاتي
alwasmi
والله يبيله هالاقتراح بس بعد صلاة الفجر
بوسند
بوسند دور لنا من مكتبتك كتاب يعنى بطرق تلسب العقل
هالحـــــزة
جم ال
BB PIN
مالك خل اطرش لك العنوان
:)
well_serviceman
والله صدقت
بدور لي شايب متعافي وتوه طاق ابرة السكر وجاهز
another day
شنو علاقة الحل بالصورة ؟
والصورة مو صورة نفس المسجد
ماخذها من النت
ezain_kilah
الحمد لله على السلامة وين هالغيبة
ذكرياتج عن المدونة مأثرة على تعليقج
:)
بس سالفة هد هذا على هذا شغل عدل يازت لي
ميمة السبيت
احلى خطة
بس التصوير يديني وبالدليل الملموس المحسوس
هذيل يبيلهم مراد المصري
:)
Snow White
شفتي استعباااااطهم
بس ما اقدر احقر
المقوع الشرقي
بطلي بلوتوثج خل اطرش لج وحدة منهم
:)
جرفاس
حاضرين عندنا خزات للمناسبات بعد
عزيز وغالي
Common_Sense
هذيل يخلون الواحد يخشع
تبي دش المسجد لازم تتخطرف بينهم وتبتون
حاط اللنك بالازرق
وتستاهل الطيب يا العزيز مشكور
طبيبك
اخاف الإمام يشرد ويصيرون هم الكل بالكل
تعال فجج
أنا مع التكوفن
وضد الحل
شوف
و من واقع تجربة مريرة
عطه خزه و أخذه على جنب
و قوله انا شرطي
و اذا مايصير مضبوط
انا يسويلك مشكـــل
و أتعهدلك من باجر
حتى الشياب بيحبونك
هذي يسمونها العداله الاجتماعية
الي ساوتك انتا معاهم وحطت لك حدود في عدم الاعتداء عليهم-حتى ولو كانو على خطئ
سواسيه - في المسجد
فعلا ساعات بشدني المنظر لما يكون الي يمي واحد من هذيل اشكر الله على هالنعمة الي ساواه فيني وساواني بالي ينظر لنفسه ان افضلي مني
لا استطيع الاعتداء عليه لانه تجرأ وصلى بجانبي - ولا يستطيع من ينظر لنفسه انه افضل مني الاعتداء علي
هذي هي العداله الاجتماعيه الحقيقية والمنشوده
حلك صرف ريالات سعودية الريال يطلع عليك سبعين فلس
ووزرع عليهم كل يوم ريال
بس بشرط قولهم كل ما اعطيكم ابيكم توقفون تدعون لي نص ساعه
;p~
أشاركك كرهك في رونالدو
مغروووور !!!!!!!
شدعوه
خل يحشون .. كله برصيدك ان شاء الله
:)
لوووووووووووول
اذا فختهم انا بروح اكفخهم ترا لوول
يخرب بيتهم هذول قاعدين جباية من الناس والله ملينا من هالاشكال اللي ابلشتنا فيهم حكومتنا اللي مو رشيده .....
الحل عندي اخوي عطني العنوان ويومين مالهم ثالث وماراح تشوفهم الا مجبسين واخليهم من يشوفونك يسوون لك زفه لي داخل المسيد
بس صج الشياب مشكلة محد مقوى عيونهم الا الشياب كله مسكين واله انتوا المساكين تقلى الشايب منتف ومعاش التقاعد ملعون والدينه وبايعه كله مونصه وهذا عنده في بنغلادش عمارات
الكلمة الطيبة صدقة
و عدم الإلتفات لما قد
يسلب الوقار و الهدوء و الطمأنينة و الروحانية من النفس نتيجة التواجد في المسجد
الذهاب إلى المسجد ما هو إلا رحلة تقرب إلى الله عز و جل و المكوث في حياض محال رحمته و غفرانه، فاجعل تواجدك هناك خال من أي شائبة شخصية أو دنوية
إحرص على الصلاة هناك و تحدى كل ما يحول دون ذالك و اجعل تحمل كل أذى تلقاه قربة إلى الله تعالى
لا تحرق مجهودك بما لا ينفع
ليتني مكانك، التواجد في المسجد و صلاة الجماعة نعمة أنا محروم منها، حافظ عليها حبيبي فهي عطية و هبة من اوهاب الكريم لك
دمت و الأهل و الأحبة برعاية الله
يا حسرة، خبري فيك متسامح...اشصاير لك؟
:)
أنا اقول ودي لهم معاك شوية أكل، أي شي زايد عندكم في البيت، تراه يبرد قلبهم...ويفرض هدنة
اذكر الله...ترى صلاتك ما تنقبل
;)
الله يهداك حاط دوبك دوبهم
انا هالعمالة احسه فئة مسكينة تقوم باللي مطلوب منها بالمسيد و اذا الناس تعطيهم زيادة كصدقات بالعافية عليهم
احنا ماندري شنو بنياتهم ؟ اهم شي عاملهم معاملة حسنة و الله كريم مع عباده
نون النساء
كفو انا بعد اقول جذي
أبو الدســتور
اخاف يغني لي أنا أنا
سامعها الي بالبلوتوث
:)
Q8_Q8
قاعد يحشون فيني ليل نهار وين العدالة فيها ؟
أندلسي
بيقولون لي احنا الي نعطيك 500 ريال بس فج عنا
Q80 Blogger
وياهل
بس الحق ينقال لعيب
:)
بو سعد
خل يحشون خل يحشون
بس يا بوسعد كل يوم على هالسالفة
طموحة مملوحة
روحي صوب الحريم في كثرهم مرتين
al-rayah
زفة داخل المسجد
انا الي بتييني زفة من اقتراحاتك
:)
بو محمد
بروح ابوس راسهم علشان خاطرك يا بومحمد
White Wings
متسامح مرة مرتين
بس باذكر الله عسى الله يتقبل
كل شي ولا اعمالنا تروح هباء منثورا
dr-maarafi
منو الي حاط دوبه ودوب الثاني
دكتور لا تقلبها علي
:)
هذيل كافين خيرهم شرهم بس اكيد انت تسوي اشياء غريبة بالمسجد او كيانك غريب عنه
لا يا فريج انا ما قلبها عليك
انا اللي اقولها طنش تعش :-) 00
خلهم يحشون ويزيدونك حسنات كل يوم واضحك عليهم وخل اقلوبهم تحترق وكل ما حش فيك اضحك بويهه وجنك ما تدري كمل طريجك تشوفه اهو الي وده يشوتك في مواطن العفه عندك وبعدها ينتصرون لك الشياب بالمسيد
صل بالمسجد اللي جدام المستوصف .. صج انه يقيم الصلاة بعد 45 دقيقة .. بس على الأقل تفتك منهم
:P
هجمة عكسية مرتدة
أولاً (أظن) الصدقة عليهم ليست أولوية لأن هناك من هم أفقر منهم وأحوج لها، بينما هم ماكلين شاربين ويمكن لابسين بعد من خير الديرة والوزارة والمصلين
ثانيًا أنا أتعرض لنفس الموقف يوميًا في صلاة الظهر من ملاحظ المسجد، ولكن بطريقة السلام بصوت عالي وخصوصي لي على أمل، فقد أرد عليه السلام بنفس الطريقة وأصافحه و... بس
أبشرك الطريقة نجحت وعرف أن هذا ما منه فائدة، والحمد لله، فلا داعي للتوتر والقلق، المسجد لله تعالى، والدولة تخدمك فيه وترعاك، وهم يسرهون على راحتك، فلا تعطيهم أكثر من حجمهم، ويشغلون بالك، سواء بتبرعات أو بقراطات هههه
طبعًا التبرع للمحتاجين يجب أن يكون بنفس الوقت، حتى ما نكون من البخلاء، ونخدع أنفسنا فلا نعطي المحتاج ولا غير المحتاج؛ آسف للإطالة.
ابن زيدون
غريبة مثل شنو
ادخل المسجد وانا مكوكس ؟
:)
dr-maarafi
بطنش غصبا عني خصوصا ان رمضان ياي
عنيف
شورك وهداية الله
Kuw Son
ترى الصورة من النت
مو صورة المسجد المعني
:)
أخبار الاتحاد
تص\ق عاد انا الي كنت اسلم عليهم بصوت عالي
تهقى كانوا خايفين من اني انا الي اتحرش فيهم ؟
Post a Comment