هوايات أعضاء الحكومة والمجلس

هذا حال أعضاء الحكومة والمجلس بعد الإستجواب وفض دور الإنعقاد

رئيس الوزراء لابس بيجامته وقاعد يزهب جنطته

وزير الداخلية لابس وزار وفانيلة علاق وقاعد ياكل ميد

وزير الدفاع بغرفته بالفندق صار له يومين محمد يدري عنه

روضان الروضان منسدح على القنفة وقاعد يمسّح مسجاته

دكتور هلال الساير قاعد يفرش اسنانه ويتزهب للنوم

البصيري لابس نظارة قراءة ويدور حجوزات على النت

وزير الخارجية مطلع جنطة مسابيحه وقاعد ينقي منهم

احمد الفهد مو موجود كالعادة وسعود بوحمد مو موجود معاه

الهارون لابس دشداشة النوم وقحفية ويقرأ الجرايد

موضي الحمود قاعدة تزف اليهال

الشمالي قاعد يقلب بقنوات اوربا

العفاسي رايح البر وبالطريج تذكر ان الجو حر

فاضل صفر قاعد يتمشى بالجليب وهو متلثم يدور مخالفات

وزير العدل الحماد توه ماكل سبع تمرات ويتزهب حق النوم

وزير الكهرباء الشريعان يعتذر بمسج لصاحبه الي عازمه على احد كافيهات المرينا يقول له اسف وضعي الحين غير

النواب

الخرافي نايم بالصالة ببشته وبنسفته

احمد السعدون يقرأ كتاب عن البرلمان الموزمبيقي

مسلم البراك قاعد يصفح بالاوراق الي عنده ويرتبهم بملفات مكتوب عليها خماشير الوزراء

معصومة المبارك تنقي بدلة عندها تكريم بمناسبة فوزها بالانتخابات

الطاحوس مودي دشاشيه الصفر المصبغة

صالح الملا رايح المكتبة يشتري صمغ حق النسفة المخزون الي عنده خلص

اسيل قاعدة اتدقدق على صديقاتها تبي تشوفهم وينهم

رولا تفرفر على القنوات اللبنانية

عدنان عبد الصمد وزيارة مفاجئة لمطعم دار الضيافة يراجع حساباته

عاشور كلما سأله احد عن موقفه من طرح الثقة قال هاااا

دكتورة الجسار تعاتب ابو العيال ليش ما ياب احد يلقح النخل

الصرعاوي مودي سيارته الكراج فيها صوت سفايف

حسن جوهر بالحلاق قاعد يشيل خيط

القلاف بلندن حاط التلفزيون على سكوب وقاعد يسوي له شاي

المطير قاعد يغسل السيكل بيقز

الطبطبائي كل شوي يدق على الاتصالات يشييك على مكالماته

الدويسان يدقدق على مكاتب السفريات يقارن الاسعار

عدنان المطوع رايح مخفر القادسية متهاوش مع واحد عاللّفة

علي العمير على السجادة قاعد يستغفر على موقفه من طرح الثقة

علي الراشد صاعد السطح يتكلم بالتلفون مايبي احد يسمعه

عسكر رايح يغيم جامات سيارته

ملاحظة للي قاعد يفرودون البوستات ويحولونها الى ايميلات ذكروا المصدر علشان العرزالة لا ينقهر