خلوني اقول لكم قصة الفيديو الي بتشوفونه تحت كما اتوقعها
الاخت المخيّلة على شيخ اي شيخ
فكرت في منو من الشيوخ ينفع اخيّل عليه بشكل علني ؟؟
منو يا ربي منو يا ربي ؟
خل نبدي حبة حبة ونفصفصهم
الشيخ المرحوم جابر الاحمد هو اوسم الشيوخ وأحلاهم على الاطلاق
ها ها وصلنا خير
خلوني ادخل ويكبيديا
يا سلام سلم طبي وتخيري يا سلوى
دام اطب واتخير خلوني اتخير واحد من صوبي خواله مطران
وصلتي خير يا سلوى
الصورة مأخوذة من الزميل معمعة
ماكو غيره
مزيون على ابوه الله يرحمه
وهالايام هو الوحيد الي اسمه متداول بالساحة
بس هااااااا فيه مشكلة
طلع متزوج
وشنو يعني متزوج ؟
الشرع حلل اربع
و والده رحمة الله عليه كان متزوج اكثر من وحدة
يعني ماهي صعبة
يقدر يتزوجني على زوجته
بس ممكن اذا زوجته درت تفرك خشتي بالقاع
تفرك تفرك المهم اتزوجه خل تفرك خشتي براحتها
انزين اشلون اتزوجه ؟
اطلع رقمه وادق عليه واقول له انا معجبة
لااااااااا بي..... بويهي ويسكره
اكيد متعوود على المعجبات ويعرف يتصرف معاهم
بس لقيتها
انا اعرفهم عيال الشيخ جابر كلهم ذربين وما يردون احد
انا بشيمه
باكتب له اغنية واعتقد انه على الاقل بيرضى يقابلني
وذيك الساعة اطلب ايده
اقصد اطلب منه يطلب ايدي
اقصد اطلب منه يطلب مني ايدي
اقصد اطلب منه يطلب مني ادليه على اهلي يطلب منهم ايدي
اوووووو
قصدي اتزوجه غصب طيب
انزين
اشرايج يا سلوى تكتبين له اغنية وتسمعينه اياها واعتقد انه بينحرج وبيقولي شنو تبين امري
ذيك الساعة اقول له زوجني نفسك
والله منتي هينة يا سلووو يطلع منج
الحين
شنو اكتب كلمات للاغنية ؟
لاني لا شاعرة ولا قالها الله
يا معودة انتي شايفة الصفحات الشعبية بالجرايد ؟
اكو واحد ما صار شاعر ؟
اممممممم
شنو اكتب شنو اكتب ؟
هو اسمه ثامر جابر الاحمد الصباح ح ح ح ح
بس لقيتها اكتب كم بيت بهالقافيه ححححححح
حية مو سلوى
هههههههه
الله يقطع ابليسج دمج خفيف
بس عاد خليني اكتب الكلمات لا يخطفونه مني
انزين انزين
شنو الكلمات الي اعرفها تنتهي بحرف الحاء شنو يا ربي شنو ؟
الصباح
صاح
باح
طاح
لقّاح
مصباح
مسباح
راح
انزاح
مطرح وش مطرح انا بتزوجه ولا اتسند عليه ؟
لمّاح
يسرسح اوووه لا ما تنفع
ناح
مدحدح عزة الله ما هو مدحد
جناح
لحلاح
كفاح
سلاح
سفّاح
تفاح
بس بس كافي تعبت ما ادري من وين اييبون الحجي هالشعراء
الحين بقعد انقي منهم الي ينفع واركب عليه كلام وتطلع اغنية انما ايه
بس احتاج واحد شاطر عنده اورج ويعرف يعزف
وين جريدة الوسيط الي توني كنت قاعد اكل عليها برتقال وين ودوها ؟
ميري ميري
وين ودتي الجريدة ؟
ماما انا يقطي جريدة كلو قشور برتقال
الله ياخذج يبيها بسرعة ونظفيها
وين اعلانات الادوات الموسيقية المستعملة
اي لقيته
الو اخوي تعرف تعزف على الاورج ؟
الو اختي انا ببيع الاورج ماني مدرس موسيقى
ادري بتبيعة بس تعرف تعزف
والله اي اطقطق
خلاص انا ياية لك طيران
انزين تعرف واحد يعرف حق الكمبيوتر ؟
اختي انا عندي اورج وطايح بجبدي شعرفني بالكمبيوتر
شوف لي واحد يعرف حق الكمبيوتر ويعرف يركب صور على ما اجيك
وبعدين
مافي وبعدين انا جايتك ولين اوصل اعلمك بالسالفة
انت بس قول آمين
آمين على شنو ؟
عسى اتزوج الي ببالي على ايدك
الحمد لله والشكر
الحين اذا سمع الاغنية وقالي طلبي وطلبت ايده ورفض
شسوي ؟
والله اذا رفض لأطلب منه تكلفة الاغنية لا وراح اضيف عليها قيمة
البانزين
والبرتقال الي اكلته
وقيمة كرت الايزي بو خمس دنانير
وراح اضرب بالعالي
ما راح ارضى بأقل من
70 دينار
عبالهم بنات الناس لعبة ؟
يسون لهم اغاني وما يتزوجونهم
46 التعليقات:
انا اقول انت غتر والبس بشت وقولها انا شيخ وتزوجها
ترى راح تكو خدمة جليله للمجتمع
اي نسيت اقولك واذا تالي اكتشفت انك مو شيخ قولا كنت حلمان اني انا شيخ
لوووووووووووووووول
لو مسوية ريميكس حق سواح وايد أبرك
:p
Lol! thanks for the morning laugh
هههههههههههههههههههههههههههههههههههههههههههههههههههههههههههههههههه
وين جريدة الوسيط الي توني كنت قاعد اكل عليها برتقال وين ودوها
مت مت على هالكلام
امبيه الاغنيه جنها مالت العروس سنه 1994 ايام الطقاقات
اللهم لا شماته والله تكسر خاطري الحرمه
طيب اذا يبنالها شيخ مسجد واسمه صباح يمشي حاله ؟؟
والا لازم يعني من عيال الصباح
والله السالفة طلعت صج الاغنية من كلماتها حدها بايعتها
والاغنية حدها مسخرة شغل ثانية ابتدائي الله يغربلها
تفشششششل
لوووووووووووول
انا اعتقد انها حلمت بكلمات الاغنية و باللحن بعد
حلوة
اوووووووووه
ههههههههه
شنو داش بخيالها انت
مبدع يا فريج سعود
طشرت الشاي والحليب على الكيبورد من كثر الضحك
كاااااااااااااااااااااااااك
لووووووووووووووول
يبتها صح :))
مو صج موصج
حرام عليك مت من الضحك من صباح الله خير :))))
كأنك مصخرتها بس بذرابة ;PP
شريف رومــــــــــــا
لا يطوفك...حاطه أن روتانا...يعني شي..يايبه اليهده
هاهاهاهاهاها
أنا سمعت أنها مسويه أهداء حقه
أكيد بيكون شي ركيك و لوعه
بس ما هقيت أن لـــــــــــــــــــــــوعه لها الدرجه
الصج الله يساعده ثامر الجابر
بتاكل قلبه الحين
the girl has schizophrenia, please do not laugh at her. she is sick. she needs treatment in a psychiatric hospital. have some pity on the girl and remove this post. by the way Iam a frequent reader of your blog and like it very much
ههههههههههههه
فريج لازم نسوي حمله:
مسكو سلوى
:Pp~
كاااسره خاطري
بس اهي مو معطيتني مجال
كل ما اشفقت عليها ،كسرت راسي باستهبال يديد
!!
زين ما لبست فتى الفيديو كليب لبس مهراجا
لاحظ بس كلمه فتى ها
:pP~
لوووووول
والله شكلك انت اللي تبي تزوجها وقاعد تتحرش شيخ بوسعود
ما شاء الله ، و التسجيل باستديوهات روتانا بعد !!
المغني موووت
وثامر لو قبل لا يسمع كان ممكن يجاملها من باب الأدب الحين بعد الأغنية يمكن يحذفها بقلاص
أحد يدري اذا هي فعلا مريضة والا مجرد "مختلة عقليا" مثل كل ما واحد سوا جريمة بالكويت قالوا عنه مجنون
الحمدالله على نعمة العقل
والله فشلتنا ، مادري ليش اهلها هادينها جذي ترى والله عييب
اذا هي مينونه و عقلها طار يبه ودوها مستشفى الميانين و ستروا عليها ..
و اذا مافيها شي بس يبه عيييب لاتسوين جذي ستري على نفسج عشان الله يستر عليج
ههههههههههههههههههههههههههههه
هههههههههههههههههههههه
انت صح
لووووووووووووووووووووووووووووووووووووووووووووووووووووووول الصراحه سلوى بنت محمل فلم هندي فكاهي متحرك
قويه
قويه قويه
شنو هذااااااااا
من صجهااااااا؟؟
وين اهلها
؟؟؟؟
شي يضحك ويبجي
هذي صج حلمانه
اشوه انك مو شيخ والا جان اعلووووووم
؛)
لوووووووووووووووووووووووووووووووووووووووول
موقادرة امسك نفسي من الضحك والله يخرب بيت افكاركم الجنهمية لوووول
المشكلة حاطة عينها على واحد مزيون ...
تبي ولدها يصير مزيون ...
لوووووول
شوف اذا نجحت حركتها كل بنات الكويت بيصيرون شاعرات لووول
الله يلوم الي يلومها
محتر! مو؟
:)
قتلتني بابداعك الي عمره ما راح راح راح
خلوني ادخل ويكبيديا
?!?!?
استبعد هالطريقه!
الله يشافيها
راحت الهيبة والله
يــاخوفي
تكون عاجبتك إنت وبتتزوجها
منزينهــــا
بس لألألأ
مـو صـج مـو صـج
مو معقوله ذوقك جذي أمبيه جنها هياتم بالجسم ولا هياتم بعد أحلـى
هذي مافيها أنوثه
جذي ويتزوجها هالمزيون ثامر
أمبيــــــــه
يسويها البخت
خيرا رأيت يا سعود ... الظاهر صمونت الهارديز عطت مفعولها :):):) امس
السلام عليكم
شقول شحجي اميمتي
الله يلعن ابليسك
ناشب حق الكل بس بيني و بينك هم زين سويت
تكفه صارت اخس من الفن و مشاكله
المشكلة انها كانت على الصفحة الأولى !!
بتروح الاستجواب ؟؟
لول!! ذبحتني من الضحك الله يغربل ابليسك
الصوره مسروقه مني يا ولد
و هي بيد المبدع
Enter-Q8 ;p
بصراحة كلمات الأغنية وايد قوية
كلمات خالد الفيصل؟؟
لوووووووووووووووووووووووول
استغفر الله مابي اضحك عليها حرام :<
يا معود الله يطول بعمرها ويخليها لنا نكتة
الأخبار هالأيام كلها تزيد الهم وترفع الضغط
عالأقل تغيير وانا اخوك :-P
كااااااااااااااااك
امبيه والله غشيت ضحك
مشكوووووووور انك رجعتلي الضحكة
:P
و عسى الله يحفظ الشيخ المزيون من عيونج يا سلوى
:D
الله اشافيها ترى عندها انفصام بالشخصيه .. بس مع هذا حيلك فيها لانه مافي ريال يمسكها
الله ياهي استاجرت من وراكم
:)
لوووول
عالاقل تشتغل مو احنا قاعدين :P
الموضوع شكله كبر :)
مسكينه
الله يشافيها
!!
Post a Comment