عند باب احد الدواوين يلتقي النائبين
احمد السعدون
و
جاسم الخرافي
فيدور هذا الحديث الخرافي
السعدون : جاسم انت لش اناني يا اخي اربع مرات رئيس المجلس ما شبعت ؟
الخرافي : احمد انت ليش محتر ؟ انت ثلاث مرات صرت محد قال لك انت ما شبعت
السعدون : كا انت قلتها ثلاث مرات وانت اربع خلنى هالمرة نتعادل
الخرافي : شنو نتعادل ؟ مانشستر وليفربول احنا علشان نتعادل بعدد مرات الدوري ؟
السعدون : يا جاسم انت انحل المجلس بعهدك ثلاث مرات يعني منت قادر تسيطر على المجلس
الخرافي : وانت يا احمد ما انحل المجلس بعهدك مرتين ؟ ومرة غير دستوري بعد تعال فجج
السعدون : اي عيل خلنا نتعادل
خلني امسك هالمرة واذا انحل نصير تيس تيس
الخرافي : وانت اشياييك على التعادل هذا مجلس امة مو بليستيشن
السعدون : على الأقل انا ما اطرد الناس من القاعة ولا اطلب القوات الخاصة للناس الي بره
الخرافي : ماسوت علي هالمرة الوحيدة بعدين من حقي يا اخي اطرد الي يصفق خصوصا الي يصفق لك هذي من صلاحياتي
السعدون : جسوم انا اخبر منك بالمجلس انا حافظ اللائحة الداخلية وما احتاج سماعة يغششوني
الخرافي : احمدو لا تقعد تنغز انا احط سماعة اسمع فيها الاف ام بعدين اشفيها اذا اخذت رأي الخبير
السعدون : جسوم الناس ماله وطاقة جبدها وتبي تغير عطهم فجة
الخرافي : وانا ماسكهم خل اي واحد يرشح نفسه جدامي بدال بدعة التوافقي مالتك
السعدون : وانت مخلي احد يقايشك فلوس وترس المخبة والحكومة وبالمخبة
الخرافي : علم روحك دام الكل بالمخبة
السعدون : انزين لا أنا ولا انت خل معصومة تصير الرئيس
الخرافي : ههههههههههاي هذي اخرتها ؟ تبي مرة تصير الرئيس ؟
السعدون : اي شفيها معصومة دكتورة علوم سياسية وتدرس الدستور واللائحة الداخلية وعليها زند تقدر تكسر عشر مطارق مو بس خمس مطرقات على قولتك وتقدر تجعم شنبات ولحايا
الخرافي : اسكت لا يسمعونك الاسلاميين ترى يكفرونك
السعدون : تعال خل نتسند على سيارتك ظهري قام يعورني
الخرافي : تبي تتسند على البنتلي ؟ يلا تسند بس دير بالك لا تزلغها بمداليتك المدندلة من مخباتك
السعدون : اقلب ويهك سيارك بألف ما اشتريها مو ذاك اليوم داعم فيها عند وزارة الاعلام
الخرافي : صلحتها يبا صلحتها بالوكاله وبدلوا لي كل شي
السعدون : اكيد بتصلحها بالوكالة بالله بتصلحها عند جمشير بشويخ
الخرافي : الحين قول اشتبي دخلتني بمدقر سيارتي والكراجات
السعدون : انا ادري ليش ما تهد الرئاسة
الخرافي : ليش بالله
السعدون : لانك نسيت الكرسي الاخضر الصغير ولو تقعد عليه بتم ساكت اربع سنين لا بتناقش ولا بتقترح ولا بتقول كلمة
ولا راح تعرف تناقش قضية انت حتى تصويت مثل الاوادم ما تصوت كلا ممتنع ممتنع يكون طالع فيها
الخرافي : الرئيس لازم يمتنع علشان يكون محايد انت اشعرفك
السعدون : بذمتك جم قضية وسالفة واستجواب وقانون وقف على صوت وصوتين وصوتك منهم بس للأسف الناس ما تذكر
الخرافي: الحين خلصني بروح الحق على دوانية بصليبيخات مسوين مندي شغل عدل وناطريني
السعدون : والله يبا زين قمت تاكل مندي وترفع عقالك قاص على هالفقارة
الخرافي : لا وقمت ابوس خشوم بعد خلك انت جابل اسيل ورولا
السعدون : اشرايك نسوي فرعية واذا فزت عليك بالعافية اخذها بالتزكية
الخرافي : انت اشتبي ؟ انا ريال ضامن لو منو يكون ما يوقف بويهي اسوي فرعية على شنو؟
السعدون : اي قول بعد بعيدة على الله مثل ما قلت حق الصرعاي
الخرافي : الشرهة علي واقف بهالحر صار لي ساعة اسمعك عيب تمسك علي كلمة طلعت بالغلط
السعدون : لو بالغلط جان استغفرت ولا اعتذرت انت ماسويت اي شي من هذا ومشيتها
الخرافي : أنا بمشي لانك قمت تخورها تبي شي ؟
السعدون : بروح العمرة وادعي عليك
الخرافي : تذكرتك على حسابي
السعدون : بسوي لك عمل اييبك الأرض
الخرافي : كل سحرة خيطان بالمخبة
السعدون : بكلم النواب واحد واحد واقنعهم خصوصا اليدد
الخرافي : كلمتهم قبلك
السعدون : بطرش عليك واحد يدعمك وانت رايح جلسة الإفتتاح
الخرافي : اروح بطيارتي
السعدون : ان شاء الله تحوشك نشله تقعدك بالبيت يوم التصويت على الرئاسة
الخرافي : ايي حتى لو الدرب معلق برقبتي
السعدون : ان شاء الله تروح عليك نومة
الخرافي : بروح مواصل
السعدون : ان شاء الله يحوشك اسهال يومها وما تدل دربك
الخرافي : باخذ وياي موزة
السعدون : يارب الله ياخذك قبل جلسة الإفتتاح
الخرافي : ما اعتقد
39 التعليقات:
يخربيت ابليسك
و بعدين شكو راز اسم معصومة بدينا بالعنصرية
انا ماني متحرش بمعصومة و انت لا تتحرش بخيطان
ها اشقلت صرنا توافقيين و الا لأ
السعدون : ان شاء الله تروح عليك نومة
الخرافي : بروح مواصل
لوووووووووووووووووووووول
الريال مو راضي يفج كلش
وعلى سالفة البنتلي انا اشهد قلتله بيعني اياها على خرابها سحب علي جني باخذها ببلاش
http://kuwait61.blogspot.com/2008/07/blog-post_04.html
:))))))
عجيب عشقه للكرسي
وهوسه بالمطرقه
الريال مابذنه ماااااي
يبيييييييييها يعني يبيييها
لوووووووول
حسبي الله على بليسك
شريف!
قتلتني
دمك شربات
:P
loool
3jeeb
Mr. Shareef Roma,
LoooooL.
Where do you get this sense of humor??!!
Thats why I check your Blog first thing when I walk in the Office. You are my Role model.
Long live Shareef Roma.
الخرافي بيوم الانتخابات
يوقف على باب المدرسه؟؟
أعتقد بأن هذا الحوار واقعي.
مضحك ومألم بنفس الوقت.
يعطيك العافية :)
تحياتي
ابداع ما حصلش
يعطيك العافيه
اشوه اعترفت بقدرات ليفربول
عندك موهبه
حرام تخشها
أضحك الله سنك
خبر تازه ،
التشكيل الوزاري كالاتي
الرئيس ، ناصر المحمد
الخارجيه ، محمد الصباح
الدفاع ، جابر المبارك
الداخليه ، جابر الخالد
شئون مجلس الامه ، خالد السلطان
الاعلام ، صباح الخالد
النفط ، سعود الناصر
الماليه ، احمد باقر
الاسكان ، موضي الحمود
الاوقاف و العدل ، الحريتي
التعليم ، سلوي الجسار
الصحه ، روضان
الشئون ، الدويله
التجاره، احمد اسماعيل بهبهاني
التخطيط ، ثامر جابر الاحمد
الاشغال ، صالح عاشور
الخبر مؤكد جدا جدا ، و من مصدر عالي جدا.
خبر تازه ،
التشكيل الوزاري كالاتي
الرئيس ، ناصر المحمد
الخارجيه ، محمد الصباح
الدفاع ، جابر المبارك
الداخليه ، جابر الخالد
شئون مجلس الامه ، خالد السلطان
الاعلام ، صباح الخالد
النفط ، سعود الناصر
الماليه ، احمد باقر
الاسكان ، موضي الحمود
الاوقاف و العدل ، الحريتي
التعليم ، سلوي الجسار
الصحه ، روضان
الشئون ، الدويله
التجاره، احمد اسماعيل بهبهاني
التخطيط ، ثامر جابر الاحمد
الاشغال ، صالح عاشور
الخبر مؤكد جدا جدا ، و من مصدر عالي جدا.
معصومة اسم معتبر صراحة وتغيير استراتيججي مهم
:))
مبدع يا سعود
بس مو كل ما يتناه المرء يدركه
وبيرد الخرافي والفهد ويمكن الاستاذ بعد :)
وبعدين انتا اشفيك على بو عبدالمحسن انتا للحين ما دهنوا سيرك مع انه دهن سير كل صليبخات :)
والله يعني الحديث لا تعليييييق
بس السعدون متى قال بعيده على الله ؟؟؟
الظاهر مكثر واين الخرافي يومتها
لووووووووووووووووووول
يخرب بيت ابليسك قول آمين
و قد إعتذر أحمد باقر ، و حل مكانه احمد الفهد
LOL,
nice, very nice
انت ليش ابداعك كله يطلع على الخرافي
من زمان ما نزلت بوست بهالقوة :D
لعبة امكاسر او مخازز
بين عيون السعدون المبحلقة وعيون الخرافى اللى من الغوى جنه فيها انعاسى
السعدون:رحت البحر
الخرافى:اي
السعدون: شفت قطوة
الخرافى :اي
السعدون:خفت منها
الخرافى:اي
LoooooL
الله يغربل بوليسك
نقاش مو بعيد عن الواقع
هاهههههاي
إي يبه إي
رجع أمجاد بوستاتك بالخرافي
شكل إبداعاتك تضرب بالعالي
بس على هالفقير المسكين الخرافي
أكيد أكيد إنت مكثر بالحلو البارح
بس
إذا هذي إبداعاتك
كل يوم إكل حلوووو
ومتعنا أكثر
الواقع يقول كلام ثاني
يبيله تتيبه الديوانيه عندنا ياخذله نفسين من دخان العنب وهذا ويهي اذا راح المجلس
لا بد من استكمال مسيرة "حسن الاختيار" لمن يمثل ضمير الأمة... في رئاسة مجلس الأمة!
"الأمة مصدر السلطات جميعاً"
فهل سيتم قبول النداء؟!
nida2q8y.blogspot.com
إذا فعلا كنا نريد تغيير منصة الرئاسة و نطالب بحيادية الحكومة و إنزال السيد الخرافي إلى مقاعد النواب فعلينا التحرك و الضغط والنزول إلى الشارع
الخرافي لا يمت بأي صلة لتخاريفي :p
أتمنى و من كل قلبي و الله العظيم أن تكون الرئاسة من نصيب أحمد السعدون و لكن الخرافي هو الأقرب حسب قراءتي و أسأل الله العلي القدير أن تكون قراءتي خاطئة
دمت و الأهل و الأحبة برعاية الله
السلام عليكم
لووووووووووووووووووووووووووووووووووول
الله يغربل ابليسك
الموهبة اللي عندك هذه ياخوي تبارك الرحمن لا اتخليها جذيه لازم تستغلها
السعدون : بسوي لك عمل اييبك الأرض
الخرافي : كل سحرة خيطان بالمخبة
لوول
خف طينه :)
ياربي ماحد مقدر مشاعره
!!
اهو اذا قعد على الكرسي الاخضر الصغير يصخ
يسكت
ينسى شنو بيقول
ينسى ان متفائل
ينسى اهو شحقه ياي
اهو يحتاج مطرقه
!!
والحل؟
نعطيه مطرقه يكفخ في بالمجلس
بصاله بيتهم
بطاوله الاكل
وصدقني راح يقدر يتجاوز محنة هالكرسي مالي ابيه ابيه ،ومابي الا المطرقه لان فعلا الوضع يضيق الخلق
:(
ولو سمحت كل شي ولا معصومه عاد
:pP~
لوول
ما ادري شفيكم على الخرافي
انا اشوفه حليو و هادي وكله متفاءل
و السعدون كله اعصابه مشدودة
لكن إذا يينا عالكفاءة
فالشهادة لله السعدون أكفأ
تقبل مروري
دمتم
السعدون و الخرافي
احسها طولت اكثر من المسلسلات التركية
الخرافي اعلن ترشحه خنشوف السعدون يبي يترشح ولا بيدبس واحد غيره و يضحك عليه مثل ما سور بالرومي :-)
:))))
مت ضحك.. لكن اقوى شي سالفة الخرافي لما يقول: ما اعتقد (((:
لوووووول تحفه
نحتاج المزيد من بوستات هالطقة
مخففهم
السلام..
ابداع ماشاءالله..
الله يوفق اللي فيه الخير يارب..
مع اني مااحبذ فوز الخرافي ..
مشكور..
Post a Comment