في البداية اسأل الله عز وجل الشفاء والعافية لوالدة الزميلة
وندعوا لها بان ترجع الى اهلها سالمة غانمة مشافاة معافاة بإذن الله
-----------------
اليوم وبعد هالسنين كلها اكتشفت ان الدنيا كلها قاعد تستعبط
الا انا
اليهال بالبيت يستعبطون خصوصا اوقات المباريات رايحين رادين جدام التلفزيون
الخدامة تستعبط تشيل طفايتي كل يوم وتحطها بالمطبخ وانا اردها
الناس تستعبط بالشارع وسياقتهم قمة بالاستعباط
ستي باص والتكاسي الجوالة والهنود والحريم والشياب والمراهقين اكثر المستعبطين بالشارع بقى احد ؟
اولياء الامور عند مدارس عيالهم يستعبطون
الام توقف بنص الشارع وتسكر الحارة اليمين
وتنزل وتخلي باب سيارتها مبطل تسكر فيه الحاره اليسار علشان منو ؟
علشان ولدها بوسنسون
والابو ما يخلي ولده يركب السيارة بروحه ولد الاكابر لازم اهو يسكر الشارع وينزل علشان يشيل عنه الجنطه ويركبه
ما يدري ان ولده توه طاق ثمان يهال بالفرصة
هذا شيسمونه غير الاستعباط ؟
توقف دور بالجمعية او عند البنك اتييك وحدة راسها وارم وترز ويها وتدرعم
بقمة الاستعباط
المصاروة يستعبطون في كل قارة وبكل مجرة حتى بيوم القيامة راح يستعبطون وقولوا ما قلت
المراجعين بالوزارات يستعبطون
المسؤلين بوزارات الخدمات يستعبطون يبون دهان سير
الطلبة يستعبطون على المدرسين طول اليوم
الشباب على شارع الحب استعباط اربع وعشرين ساعة
القنوات الفضائية تنتج مسلسلات وبرامج الاستعباط على مدار السنة
برنامج الديوانية يستعبطون يوميا الظهر
شركات الاتصالا
زين تستعبط بالفواتير
فيفا تتصل عليهم يستعبطون ربع ساعة علما يشيلونه
الوطنية تتصل عليهم من البيت يستعبطونما يلقط
شركات الانترنت تستعبط بالاسعار والعروض
مكاتب الخدم يستعبطون على الأسر ينهبونهم ويستعبطون على الخدم يطقونهم
الصحف تستعبط بمانشتاتها الرئيسية
التجار يستعبطون بيبوقونا اشكرة بنفوذهم داخل المجلس وخارجه
النواب يستعبطون باستجواباتهم
الوزراء يستعبطون بأدائهم
الخرافي يستعبط بأدارته
سمو رئيس الوزراء يستعبط برئاسته
رؤساء دول
بوش
البشير
معمر القذافي
وقبلهم صدام
كلهم كانوا يستعبطون
ودام الدنيا كلها استعباط
بالله انا ليش ما استعبط
لا من اليوم ورايح باستعبط واستعبط واستعبط
وحالي حال الناس
و استعباط مع الناس عيد
107 التعليقات:
تصدق أنا ما أعبّر أستعبط..و لا جان من زمان استعبطت وافتكيت
اليوم واحد من الصبح أستعبط على راسي بالطريج
هاهاهاهاهاهاها
هاهاهاهاهاهاها
أعتقد أن لي الحين تون أذانه من الهرن
الللللللللللللللللللللللللللللله
أنا نانونانو
و أنا الأولي
=====
على وزن استعباط دغيشم كل يوم بال أف أم
يقولك بانه في يوم من الأيام كان هناك قرية و فيها ملك و هذي القرية تعيش بجانب نهر يوفر لهم احتياجات الشرب و الغسيل و الزراعة و المعيشة
في يوم من الأيام قرر السكان طرد مشعوذ القرية لسوء سلوكه ، طردوه و لكنه انتقم منهم بأن وضع مسحوق الجنون في منبع النهر و هرب .. كل أبناء القرية شربوا من الماء و صاروا مجانين إلا الملك ما شرب .. فثار عليه الشعب و خرج بمظاهرات ضده لأنهم اعتقدوا أن الملك صار مجنون لكون تصرفاته و احكامه مخالفة لهم ( رغم أنه العاقل الوحيد فيهم ) .. الملك لما شاف إن ملكه مهدد و على وشك الزوال قرر التضحية و شرب من ماء النهر و صار مجنون مثل باقي ابناء القرية و بقي ملكا عليهم
.
.
أحيانا الإنسان عليه أن يتنازل عشان يقدر يعيش وسط الناس و لا راح يضيع.
و أصعب ما على الإنسان أن يوضع في مقارنة بين عقله و منطقه و منهجيته و بين أن يصبح فردا في قطيع عشان يستمر بحياته
لذلك أمير المؤمنين عليه السلام يتحسر على العالم الذي ضاع بين الجهال
واااااااااااااااااي
واااااااااااااااااااي
لا يطوفك أستعباط مجلس الوزراء
كويت نيوز: مجلس الوزراء: نسجل الشكر للجنه المكلفه بأزالة التعديات على أملاك الدوله و لا تجوز أقامة مصليات دون ترخيص
ليش قاعدين تقولون لنا هالحجي...قولوا حق رئيسكم
آسفه من كثر ما أنا معصبه و محتره
نسيت العزيزه أم الزووووووز
و الله مكانها فاضي
الله يردها أهيه و والدتها بالسلامه و يشافي والدتها
الله يرد زوز ويشفي لها والدتها العزيزه ياارب
صح الكل يستعبط
بس المشكله باللي باله مو طويل عالاستبعاط
-------
والقصه اللي ذكرها الاخ سفيد وايد تطابق البوست اهي مسرحيه نهر الجنون لتوفيق الحكيم اذا قريت شعور الملك والناس كلها يانه الا اهو بتحس بشعوره اكيد :)
المشكلة لو كنت عايش بمجتمع عبيط و ييت تستعبط عشان تماشيهم بعبطهم بتحصل واحد مثل ولد اختي يقولك
" تستعبط ؟؟ "
;D
عصير ليمون
يعني انا عبيطة :( ؟؟؟؟
ربي يشافي ام زوز ويردها بالسلامـه ..
والهندي الي بالصوره شنو وضعه بالضبط ؟ ;p
its A way of living
not THE way of living
either u knew it or not
do u think u can do it ??
يعني مو بس أنا اللي طلعان ديني في الشارع هاليومين؟؟؟؟
فعلا الناس مستبقرة وقاعدة
عسى الله يشافي أم زوز و يردهم سالمين غانمين بإذن الله
--------------
توقف دور بالجمعية او عند البنك )اتييك وحدة راسها وارم وترز ويها وتدرعم)
هذي الجملة وقفت عندها شوي،قعدت افكر مافهمت سالفة راسها وارم
لول عقبها جان اقول اكيد قصده
Aliens
مادري متى بييوزون من هالسوالف :)
فريج سعود ..
سالفة المصريين , قوية .. لووووووووووووووووول ..
والله انت لو بس قايل سالفة المصريين , بس كانت كافي .. ههههههههههههههه
..
الله يشافي الحجية ام زووز ويرجعهم بالسلامة ..
نحن شعب لا يتقن الا اثنان
الاستعباط والطنازة
=======================
بس معاك اكتشفنا انها ازمة عربية دوليه
فريج
اليك الآتي
"الآن في الكويت دورة
Beat the Beast
للنساء فقط تعلمك كيف تتخلصين من مشاعرك السلبية قبل أن تتخزن في جسمك وتسبب لك الأمراض! من تقديم المعالجة------------- توعية حديثة مغلفة بجو من المرح"
الرسوم 90 دينار كويتي!!!!!!
اللي فات بصوب وهل مسج وسالفة هنديتكم والطفاية بصوب!!!
عندنا و عندك خير
يا رب يشافي ام زووز ويردها بالسلامة
استعبط يبا استعبط شماخذين منها يالحبيب
حتى البورصه تستعبط يوم صاعده ويوم نازله
فريق الازاله يستعبط ما بقى حديقه الا خربوها
والله أخوي مادري عنك شناطر ..
انا شخصيا من هواياتي الاستعباط ..
اكتشفت إن الحياة ما يفيد معاها الا جذي :))
أهلا فيك في عالم العبط ;p
ذكرتني بمقالة نشرتها قبل جم سنة بآفاق الجامعية .. عنوانها " عبط عبيط فهو مستعبط " .. شكلي برد أنشرها بالمدونة وأسمع رايك :))
تحياتي ..
علي الخليفة ملك الاستعباط
الإستعباط ساعات يمشي شغلك.. وخصوصا بإدارة المرور عندنا اللهم ياكافي.. فأنا احط ايدي بيدك واقولك.. يعيش الاستعباط.. والى الأمام دائما..
قواك الله
الحمدالله طلع في أحد غيري يستملق الديوانية
......
و زووز عسى الله يشافي أمها و يرجعهم بالسلامة
بقى واحد في بالي مايستعبط
اهوا الكنغ
دنيا فوصى
استعبط يا باب استعبط
والحشرة مع الناس عيد
اقول فريج
توني مكلمة زووز وابشرك المعنويات ممتازة بفضل الله
وتسلم على الكل وتشكر الكل اهتمامهم
بلشوا الفحوصات وان شاء الله خير
وراح تباشركم عن قريب باخبارها
سلام
:)
مو قلنا جذي .. راح طلع علينا واحد عبيط يقولك أنت وين كنت وقت الغزو !
لووووووووووووووووول
بوست عجيب صراحه
الإستعباط مرات ينقذ الواحد من مواقف وايد
قلبي معاااج يا
zZZZZooooZ
الله يشافي والدتها يارب
.......
بوست استعباطي
:)
مو كل الناس
فيهم عبط
اشسالفة الهندي من الاستعباط
زيوووون
الله يبشرج بالخير يااارب
مشكوره
اللي تعلمناه الله يسلمك ان المستعبط خلقة فهو بنعمة دون ان يعلم
والمتحقرص (نعم مصطلح قديم) على المستعبطين هو المقدّر لقيمة الاستعباط فعلا لكنه غير قادر
انت وأغلب المدونين من النوع الثاني
والا لم يدونوا
ولم يرو (مو الكلب) الدنيا الا بالـ"اوكيه"ء
الاستعباط زين بين فتره وفتره
---
أشكرك على تنبيهنا عن الاخت زووز
في ميزان حسناتك ان شاء الله
و العبيطه ما تستعبطيهاش
;p
فريج سعود يبي يستعبط
و من ردى الحال تراه انبط
و مثل السير نوى يصير عزم المسكين ينمط
و أنا بعد بدش العبط و بالبس مشير و مزلط
جيكر ما عليه بس بوصل و باتسلط
شعري يعد بس خدي لين و معطعط
بصير مثل من قعد على الكرسي و بسط
و قال بحرق كل من قرب و وطوط
اشقلت لا تسألني
:-)
بس أقول لك شي
من خلال معرفتي بكتاباتك
مالك بالعبط، و لو تستعبط ما تعرف و بتخوره و بتعم على أهل العبط و كشونك، بعدين تعال عاد رقع عمرك
سامحني على هالكلام، بس يا اخوي اللي شاب بقلبك شاب بقلوب وايد
بس ما عليه، خل نشوف تاليتهاو وين بودونا هالطريجعية
أحسنت و جزاك الله كل خير و لا أراك مكروه بعزيز بالنسبة للإئارة إلى موضوع والدة الأخت زوز
دمت و الأهل و الأحبة برعاية الله
الموضوع طالع من قلب يا فريج
انا اقول روح اطلع راحة و استجمام جم يوم و انسى اللي حواليك
وانت متى ما استعبطت ؟؟؟
وانا حاشتني انفلونزا ومتنرفز
جو الكويت .. حد ام العبببببببببط
استعبط يبه استعبط .. محد ماخذ منها شي
زيووون
طمنتينا الله يطمن قلبج
وفريج سعود
استعبط يبه شوراك
اصلا الدنيا ما يمشي معاها غير هالاسلوب لانها حد ام العبط وما تفتهم
خخخخ
اما المصاروة
فهاي مول تفطس من الضحك
!!
و بالمستفى الكل يستعبط الدكاترة و الممرضين و الفنيين و الإداريين و المرضى و أهلهم و حتى البورترز ( عمال النقل و التنظيف )!!! بس أنا عاجبني استعباط خدامتكم لما تشيل الطفاية :) يمكن تساعدك توقف تدخين
اخوي ليش ماقلت عن استعباط الزوجات خايف ؟
عاد ابيخ استعباط استعباط الزوجات
نبي منك بوست خاص بأستعباط الزوجات
ها خايف ؟
يقولون
باللغه ان العبط معناها الطيبه
يعني العبيط ..انسان طيب
يقولون مو انا اللي قلت :)
هاهاهاهاهاهاهاهاههاه فرييييييييييييج حتى الجو استعبط قبست عليه!!
حتى الجو استعبط علينا!
استعبطنا اليوم كلنا .. وقعدنا!
لا حول ولا قوة إلا بالله
اليوم دقيت على 777
وشرشحتهم تشرشح
بسبب استعباط أهالي
منطقة السلام
جنوب السرة
3 مرات اتصل ب777
و 3 مرات بغت تطلع روحي
بسبب استعباط البعض بإشارة المرور صباح كل يوم فيه دوام رسمي
!!
الله يشتفى ام الزوز
ويطمنهم عليها
لفة انسانيه منك يافريج سعود
مو بعيده عليك
======
عندى دوره كيف تستعبط فى كل المواقف
ترا الاستعباط انواع والوان
لازم تفرقون بينهم
فلا تتاخرون بالتسجيل بالدوره
العدد محدود
منتهى الاستعباط والاستغلال
(:
شخصيا جربت الاستعباط في كذا موقف ووناسه
تهقه بوخرشد يستعبط نفس سموه؟؟؟
انت وين كنت وقت حل مجلس الامة سنة 85 مو الغزو
الاستعباط:انت يا المدرس ما يدرس عدل عشان الدروس الخصوصيه
التبهلل:انت يا الناظر-يفجج بيبان المدرسه لا حسيب ولا رقيب لا حضور ولا غياب
وبعدين واخد بال سعادتك00يفصلهم
وسلامتك
لوووووووووووووووول و انا خداي ماخذة السالفة جد
;p
عيل اللي يستعبطون بالشارع إمش نصكهم كف نستعبط
السلام عليكم
اشلونك اخوي بوسعود شمسوي
الحين اللي ما يستعبط عدل ما يعيش وهذا قانون يتخذه البعض للأسف لكن دمه خفيف :)
nanonano
:)
تصدقين بغيت اذكر استعباط الدغيشم بس هونت اخر لحظة
حاشني الحارج
خلصتي رصيد التعليقات يبيلج تعبئة
:)
Safeed
والله يا خوي انا تعبت من عدم الاستعباط مثل الناس
بس انا ليلحين في فترة التجربة
وخل اشوف اقدر استمر
ANGEL HEART
امين
المستعبطين يخلون بالج يصير غصب طويل او تهاجرين
ماكو حل ثاني
Don Juan
اقول له اي اشمعنى انت
:)
ma6goog
لا تطالع مسلسلات مصرية وايد
يا ليمون يا صينية فناجين قهوة وقلاص ماي واحد
موحة مملوحة
انتي مو حرمة
انتي شيختهم وشيختهم ما تستعبط الا بالمناسبات
:)
Kuwait
امين
الهندي مثال حي للاستعباط علشان الي ما فهم البوست يشوف الصورة
I7na 3shagnaha
اي تراي ذا اذر ويز ان اي كانت هاندل ات
لت مي تراي ذس تايم
Arfana
انا باليوم يطلع ديني خمس ست مرات وبرمضان ما اطلع قبل الفطور
واذا طلعت اقضي صيامي بعد رمضان
TruTh
امين
صاير يومين قاعد اشوف الروس كل مالها وتورم اكثر واكثر صايرين جنهم لابسين خوذة قواري
الله يهديهم
مطعم باكه
امين
وانت مصدقني ولا لأ على سالفتهم ؟
مركبنا
وهذي الدول تستورد منا شي واحد وهو الاستعباط
chandal/danchal!!
امين
ليش مو حاطة اسم المعالجة ؟
تصدقين اليوم بعد مالقيت الطفاية حتى بالمطبخ مال اروح اقعدها من النوم واقول لها وينها
بس اخاف تسوي شي بالاكل باجر
َـــــعْــــمَــــعَـــــه
اقول لك الدنيا كلها تقول متفقين
أحمد الحيدر
بوكوثر تكفى عاوني وشد من ازري لاني اخاف ما اكمل
انشر مقالتك خل نتشجع
مبيوق
اوووووووووووووووه
جااااادوه
هذا استعبط على ديرة بكبرها
well_serviceman
شكرا على التشجيع هذا الي احتاجه للاستمرار
Bloggerista
امين
يرحم والديج اذا بوخرشد يدقون عليه يمدحون
لا تستغربين شي
abu eldestor
منو الكنج ؟
دزلي اياه ايميل
Mok
والي يمشي عكس التيار شيصير فيه ؟
الزين
الله يطمنج ويردهم بالسلامة
Blog 3amty
ههههههههههههههههههههه
يا اخي قولوا وين كنتوا وخلصونا
Cat
انا توني مبتدئ بهالسالفة
اشوف النتائج واقول لكم ان شاء الله
صبا
امين
الهندي اهو الي اخترع الاستعباط بالصور
ويــتي لايــعه كبــده
والحل يعني ناكل بروحنا لين نخلص وهم عايشين مسنانسين اعصاب باردة ؟
حق و واجب علينا تجاه الاخوة الزملاء
wa6an-alnhar
ما قدرت اقولها الا مرة وحدة وغصب
:)
بعض الاستعباط مطلوب أحيانا مع بعض الناس
بو محمد
على قولة بوخرشد
اللــــــــــــــه كلام كبييييييييييير
والله يا خوي يا بومحمد ادري بفج ولا اقدر اكمل
بس صج تعبنا واعصابنا انتلفت
وهم قلب بارد و ولا شيبة براسهم
حق و واجب علينا للاخوة الزملاء بس عسى الله يجيب دعوتنا
مشكور يا الغالي
وعساك دايم بخير
سؤال منو اللي ما يستعبط ؟؟
dr-maarafi
دكتور
توني ياي من السفر ما امداني ينّنوني باسبوع
ماكو غير هالحل
Eng_Q8
اكلمك عن الي بالشارع والدوامات والجمعية والسوق
هناك الحجي
Q80 Blogger
اليوم الجو صج قمة بالعبط
سيارتي يمكن محد يرضى يثمنها من كثر ما هي وصخة
باسم الله الرحمن الرحيم
قصيت تعليقيني
موجود ألحين :)
كبرياء وردة
اخ لو يرد فيني الزمن لا استعبط من المهد الى اللحد
|:| DUBAI |:
شفتيهم اشلون استعبطوا عندكم وشردوا بيوم وليلة ؟
سيدة التنبيب
هذا يسمونه استعباط طبي
ما درستي استعباط 101 بالكلية ؟
اما الخدامة فانا حالف لها انها اذا ما يازت لا اطق مسمار بالطفاية واشوف اشلون اتشيلها
q87alwa
دوري بالارشيف بوست (ياعل يومي قبل يومك ولا بتأبرني) وانتي تعرفين اني هزبر ما اخاف ولا يرف لي جفن
آل ايه آل خايف
:)
ماني حاط لج اللنك علشان تتعبين علما تلقينه
حاطب ليل
العبط = الطيبة
على باب الله = خريش
من طيور الجنة = خبل رسمي
اشخليتوا بعد انتوا يا الكويتيين ؟
Joonna
اي والله اشوه الغيم استعبط ولا جان رحنا
سيفوه
يقول لك العجيري الجو بيستعبط هالسنة امية يوم
الله يعينا
Selezya
الله يشافيها ويردها بالسلامة
إمـرأة لا تُنسـى
لا تعورين قلبج سوي نفسهم
بنت الشامية
امين
حق و واجب علينا
اذا الدورة بلاش وفيها بوفيه شاي وبسكوت سجليني فيها
حمودي
خلني انا الحين في فترة التجربة لا تحرق علي المشهد
lwatan-ajmal
اكيد اي بس الحجي منو اكثر من الثاني
Enter-Q8
كنت ببيت يدي
والله صج
:))
بس انت الي مو راضي تقول وين كنت
المقوع الشرقي
هذا الاستعباط المتبهلل
اخر نوع هذا ديري بالج منه
shahad
هاااااااااااا
انتي جذي بتطلعينا من دائرة الاستعباط الى دائرة البيعان
اقول انتي بنت محد بيي صوبج انا الي باكلها
someone_q8
وعليكم السلام ورحمة الله
هلا بالغالي
لا الي ما يستعبط يعيش بس ما يطول تلقاه ما يوصل اربعين سنه الا ويدور واسطة للعلاج بالخارج الله يعينه الشرايين مسكرة والحاله حاله
يا زين الاستعباط رخيص وكويس
dalal
بهذي صدقتي
بس سؤالج يعني الكل
مما يلزم الاستعباط اغلب الوقت ومع اغلب الناس
حوسة مو ؟
وايد ناس عبيطه واصله
اللحين عرفت ليش
وبعدين ترى ماأرضى على معمر القذافي
الله يردلكم زووووز وتفرحوووون بردتها
ويشافي أمها ياااارب وترجع لأهلها وحبايبها
وأكيد الكل مشتاااق لرجعتهم
بالسلامه
وبالنسبه للإستعباط
الكل يستعبط وأولهم إنت
:))))))))
ديرة الله خير ماشية بالاستعباط حتى دستورنا يستعبط
Barrak
اي والله واصلة الى اعلى المستويات
وحقك وحق قذاف الدم علي
another day
اي والله وانتي الصاجة كلمن قاعد يستعبط على راسي
ناديا
لا والله احنا الي قاعد نستعبط على الدستور
Post a Comment