حسبة الحميضي

احد الاصدقاء بعث لي هذا المسج

.

شباب ما تعرفون صراف يشتري دينار عراقي بسعر زين

.

رديت عليه

.

جم عندك ؟

.

رد علي

.

5000000

.

قلت له

.

اوووه هذيل لو تدخلهم العراق تصير رئيس الجمهورية

:)

اشوف لك

.

رد علي

.

حبيب واذا مالقيت لي ترى بتبرع فيهم للارهابية

:)

.

بيني وبين نفسي قلت المغرب بشوف صراف اعرفه وبسأله

.

بس اشدراني ان السعر الي بيقولي اياه زين وانا الله خير نسيت جم صرفت ذيك المرة

.

او حتى اذا قال لي السعر انا اشدراني انه يقصد السعر للدينار او للكمية كلها او للمليون الواحد ؟

.

والريال كبير بالسن وقريب من الثمانين

.

ما اقدر اخذ واعطي وياه وايد واقوله جم ؟ وجم ؟ وهذا سعر الدينار ولا المليون

.

اخاف ينفّس علي خصوصا اني مو ماخذ ومعطي وياه وايد

.

قلت خل انا احسبها قبل لا اروح له علشان لي قال لي السعر اعرف ان سعره زين ولا لأ

.

بس اشلون تحسبها اشلون تحسبها

.

بس لقيتها

.

الشي الوحيد الي اتذكر سعره واقدر اقارنه بشيء بالكويت هو

.

استكانة الشاي

.

.

استكانة الشاي بالعراق ب250 دينار

.

فاخترعت هذه الحسبة

.

اذا ال4 استكانات ب1000 دينار

.

يعني ال10000 فيهم 40 استكانة

.

وال100000 يطلعون 400 استكانة

.

وال1000000 الي هو المليون يسون 4000 استكانة

.

فال5000000 دينار ملوت صاحبي فيهم

.

5*4000 =20000 استكانة

.

.

.

.

واذا عرفنا ان سعر استكانة الشاي بالكويت قيمتها50 فلس تقريبا

مما يعني ان

.

20000*,05 =1000 دينار كويتي

.

الحين اقدر اروح لصاحبنا الشايب واسأله اذا يشتري5000000 مليون دينار عراقي

.

واذا قالي السعر يطلع حروة الالف دينار كويتي معناته سعر زين مو قاص علينا

.

اشرايكم بالحسبة بذمتكم ما انفع اصير وزير المالية بدولة الكويت

.

اكيد انفع دام الحميضي كان وزير المالية انفع ونص

.

.

.

.

.

.

مع خالص التحية للزميلة استكانة وايد يبنا اسمج اليوم